काठमाडौंः गोंगबुको बानियाँटारस्थित पारामाउन्ट एकेडेमीले ह्यान्डराइटिङ प्रतिस्पर्धामा पहिलो भएकी आफ्ना छात्रा सपना तिवारीलाई शनिबार सम्मान गरेको छ।
ह्यापी किड्स तथा एडु टेकको संयुक्त आयोजनामा असोज १ गते भएको ह्यान्डराइटिङ प्रतिस्पर्धामा सपना पहिलो भएकी हुन्। विभिन्न २ सय ५३ विद्यालयमा कक्षा ८ देखि १० सम्ममा अध्ययरत १ हजार ५ सय विद्यार्थीबीच प्रतिस्पर्धा भएको थियो।
पारा माउन्ट एकेडेमी सपना कक्षा ९ मा अध्ययनरत छिन् । पढाईंमा पनि सपना पहिलो/दोस्रो स्थानमा आउने गरेको पारामाउन्टका प्रिन्सिपल मुकुन्दप्रसाद पाण्डेले जानकारी दिए। प्रिन्सिपल पाण्डेसहित पारामाउन्टका निर्देशक प्रमोद पाण्डेले सपनालाई टीका, खादा लगाइ दिनुका साथै प्रशंसापत्र प्रदान गरी सम्मान गरे ।
पढाईंका अलावा अत्तिरिक्त क्रियकलापमा उत्कृष्ट गर्ने विद्यार्थीको हौसला अभिबृद्धि गर्ने उद्देश्यले सपनालाई सम्मान गरिएको प्रिन्सिपल पाण्डेले बताए ।
सोही प्रतिस्पर्धाको छुट्टै विधामा पारामाउन्टमा कक्षा ६ मा अध्ययनरत छात्रा नलिना घर्ती मगर पाँचौं तथा कक्षा २ मा अध्ययनरत छात्रा अपेक्षा पौडेलले छैटौं स्थान हात पारे।
प्रतिक्रिया दिनुहोस !
