काठमाडौं: कैलाश विकास बैंक शुक्रबारबाट २४औं वगर्षमा प्रवेश गरेको छ । बैंकले वार्षिकोत्सवको अवसरमा काठमाडौं उपत्यका तथा बाहिरका शाखामा साताव्यापी कार्यक्रम आयोजना गरेको छ । बैंकले शुक्रबार काठमाडौंको न्युरोड विशालबजार शाखामा बृहत् रक्तदान कार्यक्रम आयोजना गरेको छ ।
कार्यक्रमको उद्घाटन बैंकका अध्यक्ष राजेन्द्र गिरीले गरेका थिए । रक्तदान कार्यक्रममा ४६ पिन्ट रगत संकलन गरी रक्तसञ्चार केन्द्रलाई हस्तान्तरण गरिएको बैंकले जनाएको छ । बिहीबार बैंकले संस्थागत सामाजिक उत्तरदायित्वअन्तर्गत पोखरा–१७ सीतापाइलास्थित वृद्धा श्रमलाई सहयोगस्वरूप २५ हजार हस्तान्तरण गरेको छ ।
यसैगरी काठमाडौंमा रहेका शाखाको सहभागितामा रविभवनस्थित आमाघर वृद्धा श्रममा रहेका ४० जनालाई खाना खुवाएको बैंकले जनाएको छ । यसै अवसरमा पोखरा १० रामघाटस्थित श्रमिक परिवारका बालबालिका शैक्षिक सामग्री हस्तान्तरण गरिएको छ । बैंकले शनिबार पोखरामा फिर्के–बुलौदी सरसफाइ अभियानमा सहभागितासहित ऐक्यबद्धता पनि जनायो ।
प्रतिक्रिया दिनुहोस !
