हङकङः हङकङको जोर्डनमा नेपालीहरुबीच कुटाकुट भएको छ। आइतबार बिहान करिब ६ बजेतिर नेपाली युबाहरुको समूहबीच कुटाकुट भएपछि स्थिति नियन्त्रणमा लिन हङकङ प्रहरीले गोल चलाएको थियो।
प्रहरीको गोली लागेर दुईजना नेपाली घाइते भएका छन्। दुई समूह छुरी हाना हानी गरिरहेका बेला प्रहरीले स्थितिलाई नियन्त्रणमा लिन चार राउन्ड गोली चलाएको थियो।
दुई समूहबीच छुरी हानाहान भइरहेको सूचना थाहा पाउनासाथ प्रहरी घटनास्थल पुगेको थियो। प्रहरीको गोली लागेर घाइते भएका दुई जनालाई क्वीन एलिजावेथ हस्पिटलमा उपचारका लागि भर्ना गरिएको छ।
घाइतेमध्ये एक जनाको कमर र खुट्टामा तथा अर्काको पाखुरामा गोली लागेको छ। घटनामा संलग्न हङकङबासी नेपाली रहेको बताइएको छ।
तस्बिर साैजन्य: एचके नेपाल डटकम
प्रतिक्रिया दिनुहोस !
