भ्यान र मोटरसाइकल ठोक्किँदा एक दम्पतीको मृत्यु
इनरुवा: सुनसरीको मधेसा– ४ घोपालीटोलमा भ्यान र मोटरसाइकल अापसमा ठोक्किँदा एक दम्पतीको मृत्यु भएको छ।
मृत्यु हुनेमा सप्तरी लोहजारा–८ बस्ने मोहमद अलि हुसैन र उनकी श्रीमती नुरजहाँ खातुन रहेको जिल्ला प्रहरी कार्यालय सुनसरीले जनाएको छ। पूर्वपश्चिम राजमार्ग आन्तर्गत पश्चिमबाट पूर्वतर्फ आउँदै गरेको स ३ प ११८७ नम्बरको मोटरसाइकल र विपरीत दिशाबाट जाँदै गरेको स १ ज ३३८ नम्बरको भ्यान एकापसमा ठक्कर खाँदा तिनको मृत्यु भएको हो।
हुसैनको घटनास्थलमै र खातुनको उपचारका क्रममा धरानस्थित बिपी कोइराला स्वास्थ्य विज्ञान प्रतिष्ठानमा मृत्यु भएको प्रहरीले जनाएको छ।
भ्यान चालक र सवारी साधन प्रहरीको नियन्त्रणमा रहेको र घटनाको विषयमा अनुसन्धान भइरहेको सुनसरीका प्रहरी नायब उपरीक्षक विनोद घिमिरेले जानकारी दिए।
प्रतिक्रिया दिनुहोस !
