काठमाडौं: फियाट् कारको आधिकारिक विक्रेता लाइफ अटोमोबाइलले आफ्नो पछिल्लो ह्याचब्याक पुन्टो प्युअरलाई नारायणघाटमा सार्वजनिक गरेको छ । थुप्रै 'बेस्ट-इन-क्लास' सुविधा भएको युरोपियन ह्याचब्याक अब स्थानीय डिलर युरो अटोमोटिभमा उपलब्ध हुने कम्पनी जनाएको छ ।
आकर्षक विशेषता भएको इन्ट्री-लेभल ह्याचब्याक कारको रूपमा रहेको यो गाडी बलियो बनोट, पर्याप्त स्पेस, उच्च ग्राउन्ड क्लियरेन्स र प्रिमियम डिजाइनका कारण काठमाडौंको बजारमा धेरै रुचाइएको छ । पुन्टो प्युअरमा चार सिलिन्डर भएको १.२ लिटर फायर पेट्रोल इन्जिन जडान गरिएको छ । यसले ६ हजार आरपीएममा ६८ पीएस ऊर्जा र २५ सय आरपीएममा ९६ एनएम टर्क उत्पन्न गर्छ ।
पुन्टो प्युअर 'एक्जोटिक रेड', 'हिपहप ब्ल्याक' र 'ह्वाइट' गरी तीन रङमा उपलब्ध छ । पुन्टो प्युअरलाई चितवन उद्योग वाणिज्य महासंघका अध्यक्ष राजन गौतमले सार्वजनिक गरेका हुन् । गाडीमा पाँच स्पिडको म्यानुअल ट्रान्समिसन छ । ४५ लिटर क्षमताको फ्युल ट्यांक भएको यो इटालियन कारले १५ दशमलब ७ केएमपीएल माइलेज दिने कम्पनीले जनाएको छ ।
पुन्टो प्युअरमा 'फलो मि हेडल्याम्प' छ जसले इन्जिन बन्द भइसकेपछि पनि केही समयका लागि हेडल्याम्पलाई बालिराख्छ । सिटको हेडरेस्टलाई एड्जस्ट गर्न सकिन्छ । पछाडिको सिटमा हेड रिस्टे«न्टसमेत राखिएको छ जसले यात्रालाई आनन्ददायी बनाउँछ । यसको ग्राउन्ड क्लियरेन्स एक सय ९५ मिलिमिटर छ जुन यो क्लासकै सबैभन्दा बढी रहेको कम्पनीको दाबी छ ।
प्रतिक्रिया दिनुहोस !
