क्यानडा-नेपाल संसदीय मैत्री संघ गठन
काठमाडौः क्यानडाको तल्लो सदन हाउस अफ कमन्स र माथिल्लो सदन सिनेटका सदस्यको सहभागितामा क्यानडा-नेपाल संसदीय मैत्री संघ गठन भएको छ।
क्यानडास्थित नेपाली दूतावासका उपप्रमुख दिलीप पौडेलका अनुशार हाउस अफ कमन्सका सदस्य जेन ताङ्को अध्यक्षतामा ७ सदस्यीय कार्यकारी समिति हालै निर्वाचित भएको हो । क्यानडाको संसदका उपसभामुख ब्रुस स्टानटोनको अध्यक्षतामा संसदको समिति कक्षमा सम्पन्न बैठकले उक्त कार्य समिति गठन गरेको हो ।
बैठकमा हाल क्यानडा भ्रमणमा रहेका संस्कृति, पर्यटन तथा नागरिक उड्डयनमन्त्री जीवन शाही उपस्थित थिए । कार्यक्रमलाई संबोधन गर्दै मन्त्री शाहीले नव गठित कार्यकारी समितिका पदाधिकारीलाई बधाई दिए ।
नेपालमा नयाँ संबिधान जारी भएपछि मुलुकले राजनीतिक स्थिरता हासिल गरी आर्थिक विकासका लागि मार्ग प्रशशस्त गरेको बताए । अध्यक्षमा निर्वाचित ताङ्ले नेपाल र क्यानडाबीचको ब्यापार र पर्यटन प्रबर्धनमा लगायत अन्य क्षेत्रमा आफूहरुले योगदान गर्ने बताएका थिए ।
क्यानडाको संसदमा पहिलो पटक गठन भएको यो संसदीय मैत्री संघ गठन गर्नका लागि त्यहाँस्थित नेपाली राजदूत काली प्रसाद पोखरेलले एक बर्ष यता पहल गर्दै आएका थिए ।
प्रतिक्रिया दिनुहोस !
