‘दसैंपछि संविधान संशोधन प्रस्ताव दर्ता हुन्छ’
काठमाडौं: सहरी विकासमन्त्री अर्जुनरसिंह केसीले दसैंपछि संविधान संशोधन प्रस्ताव दर्ता हुने बताएका छन् ।
शुक्रबार रिपोर्टर्स क्लब नेपालले गरेको साक्षात्कारमा उनले संविधान संशोधन प्रक्रिया अघि बढाउन दलहरुबीच छलफल भइरहेको र सबै दल सकारात्मक रहेको बताए ।
संविधान संशोधनमा प्रमुख प्रतिपक्षी दल नेकपा एमालेको सहयोगको अपेक्षा गर्दै उनले भने, ‘संविधानलाई सर्वस्वीकार्य बनाउनका लागि हामी सबै दलको महत्वपूर्ण जिम्मेवारी छ ।’
केसीले मुलुकमा विद्यमान समस्या समाधानका लागि विशेषगरी काँग्रेस, एमाले र माओवादी मिल्नु जरुरी भएको बताए ।
मन्त्री केसीले संविधानप्रति असन्तुष्ट दलका भावनालाई सम्बोधन गर्ने उद्देश्यले सरकारले द्रुत गतिमा काम गरिरहेको जानकारी दिँदै असहमतिका स्वरलाई पनि सम्बोधन गर्नुर्नेमा जोड दिए ।
सङ्घीय लोकतान्त्रिक गणतन्त्रलाई संस्थागत गर्नको लागि सबै दलहरु मिल्नुको विकल्प नभएको बताउँदै उहाँले भन्नुभयो–‘हामी सबै अहिले एउटै डुङ्गामा छौंँ, डुबे सबै डुब्छौंँ, त्यसैले सबै पक्ष गम्भीर हुनु जरुरी छ ।’
अर्को प्रसङ्गमा उनले भूकम्पपीडितलाई पहिलो किस्ता बापत रु चार लाख वितरण गरिसकिएको बताउँदै दोस्रो किस्ताका लागि पनि पीडितसँग स्थलगत अध्ययनपछि सरकारले निर्णय लिने जानकारी दिए। रासस
प्रतिक्रिया दिनुहोस !
