पूर्वप्रधानमन्त्री केपी ओलीले राष्ट्रपति भण्डारीबाट टीका लगाए
काठमाडौँ: पूर्वप्रधानमन्त्री केपी शर्मा ओलीसहित विशिष्ट व्यक्तित्वले राष्ट्रपति विद्यादेवी भण्डारीको हातबाट दसैंको टीका लगाएका छन् ।
राष्ट्रपति भण्डारीले प्रधानन्यायाधीश सुशीला कार्की, पूर्वप्रधानमन्त्री एवम् एमाले अध्यक्ष केपी शर्मा ओली, पूर्वमन्त्री, सांसद, सुरक्षा निकायका प्रमुखलगायतलाई टीका लगाइदिएको राष्ट्रपतिका प्रेस सल्लाहकार माधव शर्माले जानकारी दिए ।
राष्ट्रपति भण्डारीले दिउँसो २ बजेपछि शीतल निवास पुगेका सर्वसाधारणलाई वडा दसैँको अवसरमा टीका लगाइदिएकी छिन् ।
शर्माका अनुसार टीका लगाउन सर्वसाधारण लामबद्ध रहेकाले साँझसम्म कार्यक्रम जारी रहनेछ ।
यसअघि बिहान ८ बजेर ४५ मिनेटको शुभसाइतमा राष्ट्रपति भण्डारीले हनुमानढोका दरबारका मूल पुजारी देवराज अर्यालबाट टीका तथा जमरा ग्रहण गरेकी थिइन् ।
राष्ट्रपतिले परिवार र आफन्तजनलाई पनि सोही साइतमा टीका लगाइदिएकी छिन् । रासस
प्रतिक्रिया दिनुहोस !
