मोटरसाइकल दुर्घटनामा एक जनाको मृत्यु
धनकुटाः धनकुटाको मुलघाटमा बुधवार दिउँसो करिब २ बजे मोटरसाइकल दुर्घटना हुँदा एक जनाको मृत्यु भएको छ ।
इटहरी उपमहानगरपालिका वडा नं. ८ का अन्दाजी २६ वर्षीय वाइक मिस्त्री दिलजन खानले चलाएको को १६ प ५८७ नम्वरको वाइक मुलघाट स्थित तमोर नदिको पुलको पिलरमा बाइक ठोक्किदा घटनास्थलमै ज्यान गएको हो ।
मुलघाटमा सञ्चालित रिजन वर्कसपमा मर्मतका लागि ल्याइएको बाइक मिस्त्री खानले चलाएका थिए । मिस्त्री खानले चलाएको बाइक अनियन्त्रित भई पुलको पिलरमा ठोक्किएको जिल्ला ट्राफिक प्रहरी कार्यालय धनकुटाका हवल्दार तुलसी पोखरेलले बताए ।
प्रतिक्रिया दिनुहोस !
