दसैंका चर्चित सात तस्बिर
काठमाडौँ: हिन्दुहरुको महान् पर्व दसैं आफन्तसँग भेटघाट गर्ने सुनौलो अवसर हो । समय सँगै दसैं मनाउने तरिका फरक हुँदै गएको छ ।
राष्ट्रपति विद्यादेवी भण्डारी र उपराष्ट्रपति नन्दबहादुर पुनले आआफ्ना निवासमा आ–आफ्नै ढंगले दसैं मनाए । राष्ट्रपतिले हनुमानढोकाका मूल पुजारी देवराज अर्यालको हातबाट टीका लगाइन् । उनले आफूले समेत विशिष्ट व्यक्तित्व र आफन्तजनलाई टीका लगाइदिइन् ।
भण्डारीले प्रधानन्यायाधीश सुशीला कार्की, पूर्वप्रधानमन्त्री केपी शर्मा ओलीदेखि आफ्नै छोरी उषाकिरणसँगै सर्वसाधारणसम्मलाई टीका लगाइदिइन् । यता उपराष्ट्रपति पुनले परिवार र सैन्यअधिकारीलाई टीका लगाएर दसैं मनाए ।
तर, प्रधानमन्त्री पुष्पकमल दाहाल ‘प्रचण्ड’ले दसैंमा टीका लगाएनन् । सामाजिक सञ्जालमा दसैं नमनाएको भन्दै उनको आलोचना भयो । प्रधानमन्त्री प्रचण्डले आफूले मात्र टीका लगाएनन् परिवारका सदस्य र नेता कार्यकर्तालाई समेत टीका लगाइदिएनन् ।
उता पूर्वराजा ज्ञानेन्द्र शाहले भने निर्मल निवासमा हजारौँ सर्वसाधारणलाई टीका लगाइदिए । पूर्वराजा समक्ष टीका लगाउन पुगेका सर्वसाधारणका केही दृश्य रोचक छन् । राजाका शुभेच्छुकले टीका मात्र लगाएनन् पूर्वराजा ज्ञानेन्द्र र पूर्वरानी कोमलका खुट्टासम्म ढोग्न भ्याए ।
दसैंका चर्चित सात तस्बिरमा राष्ट्रपति, उपराष्ट्रपतिदेखि पूर्वराजा ज्ञानेन्द्रसम्मका छन् । अन्नपूर्णका फोटोपत्रकार दिनेशविक्रम शाह, राष्ट्रिय समाचार समितिले खिचेका र सामाजिक सञ्जालमा भेटिएका चर्चित तस्बिरः
प्रतिक्रिया दिनुहोस !
