दसैंमा घर आयौ, फर्कने कसरी ?
संखुवासभाः ज्यानै जोखिम मोलेर मुस्किलले दसैं मान्न घर आएकी खाँदबारी-१ की मनिषा चापागाई कसरी काठमाडौ पुग्ने भन्ने तनावमा छिन् । उनी जस्तै टिका थाप्न गाउँ आएका धुपुका मात्रिका चापागाई पनि काममा कसरी फर्कने भन्ने चिन्तामा छन् । यि दुई पात्र मात्र नभएर हजारौले यिनै समस्या खेप्दै आएका छन् ।
जिल्ला सडक सञ्जालसँग जोडिएका २३ सडक मात्र नभएर कोशी राजमार्ग र माध्यपहाडी राजमर्ग समेतमा गाडी चल्न नसकपछि दसैं मान्न घर आएकाहरु कसरी फर्कने भन्ने चिन्ता छन् ।
खाँदबारी हुदै धरान छुट्ने गाडीको गन्तव्यमा पुग्नेकु नै टुङगो छैन । तुम्लिङटारबाट हिलेका लागि छुट्ने ट्याक्सीको समेत सडक खराबले चुनौती बढी भएकाले कम मात्रामा सञ्चालनमा छन् ।
मौसम खराव भन्दै तुम्लिङटार बिमानस्थलमा उडान रद्ध हुदै आएको छ ।
राज्यको असारे बिकास योजनाकै कारण सडक थप बिर्गिने गरेको यात्रुहरुको आरोप छ । राम्रो माटो र सोलिङ गरेको स्थानमा समेत असारमा बजेट सक्नकै लागि डोजर लगाएर माटोले पुर्ने गर्नाले थप सडक काम नलाग्ने भएको खाँदबारी-१ चिरन राईले बताउछन् । उनी फागुन अघिनै काम सक्नु पर्ने र बर्खा समयमा कच्ची सडकलाई बनाउने भन्दा पनि सुरक्षा दिनुपर्ने माग गर्छन् ।
गाउँगाउँबाट सदरमुकाम आउन पनि यातयात नचलेकाले समस्या भएको यातयात व्यवसायी महासंघका अध्यक्ष हरीश्वर थापा मगरले बताए । उनी तत्काल सडक मर्मतका लागि यातयात कार्यालय र स्थानीय निकाय, सडक कार्यालयसँग समन्वय गरेको बताए । खराब मौसमसँगै लगातारको बर्षादले सडकमा यातयात सञ्चालन हुन नसकेको व्यवसायीहरु बताउछन् ।
सडक डिभिजन कार्यालय तुम्लिङटारले भने बिग्रीएको सडकलाई मर्मतका लागि कुनै चासो देखाएको छैन । जसोतसो घर आएकाहरु राजमार्गदेखि कच्ची सडक समेतमा गाडी गुड्न नसके पछि फर्कन समस्या भएको गुनासो पोख्दै सरोकारवाला नीकायले चासो दिन माग गर्छन ।
यहाँका खाँदबारी-चैनपुर-मुडे सडक पुरै हिल्लाम्य छ । बिहानपाँच बजे छुटेको गाडी मुडेमा पुगेर बास बस्नु पर्ने बाध्यता छ भने पुग्ने कसरी मात्र नभएर जोखिम पनि उत्तिकै मोल्दै यात्रा गरेर दुई दिनमा धरान पुग्नु परेको यात्रुको अनुभव छ ।
प्रतिक्रिया दिनुहोस !
