काभ्रेको पाँचखालमा बस दुर्घटनाः तीन जनाको मृत्यु
बनेपाः काभ्रेको पाँचखाल नगरपालिका १६ नाम्चेमा बस दुर्घटना हुँदा तीन जनाको मृत्यु भएको छ ।
काठमाडौँबाट पलाञ्चोक भगवती मन्दिर क्षेत्र जाँदै गरेको कीर्तिपुर यातायतको बा ४ ख १९३३ नम्बरको बस पल्टिदा १२ जना घाइते भएका छन् ।
जिल्ला प्रहरी कार्यालयका डिएसपी नविन राईका अनुसार मिनी बस शुक्रबार साँझ ५ः३० बजे दुर्घटना भएको हो । बस सडकबाट करिब हजार मिटर तल खसेको राईले जानकारी दिए । घाइते १२ जनाको धुलिखेल अस्पतालमा उपचार भइरहेको प्रहरीले जनाएको छ ।
दुर्घटनाका घाइतेलाई स्थानीयवासीले उद्धार गरेर प्रहरीलाई खबर गरेका थिए ।
प्रतिक्रिया दिनुहोस !
