प्रधानमन्त्री प्रचण्ड इन्दिरा गान्धी अन्तराष्ट्रिय विमानस्थलमा
नयाँदिल्लीः प्रधानमन्त्री पुष्पकमल ‘प्रचण्ड’लाई नयाँ दिल्लीको इन्दिरा गान्धी अन्तराष्ट्रिय विमानस्थलमा भारतका लागि नेपाली कार्यबाहक राजदूत कृष्णप्रसाद ढकाल र भारतीय विदेश मन्त्रालयका अधिकारीहरुले स्वागत गरेका छन् ।
शनिबार बिहान नेपाल एयरलाइन्सको जहाजबाट प्रधानमन्त्री प्रचण्ड नेपाली समय अनुसार ९.४५ बजे इन्दिरा गान्धी विमास्थलमा अवतरण भएका हुन् ।
केही बेरमा प्रधानमन्त्री भारतीय विमानबाट गोवा प्रस्थान गर्ने छन् । प्रधानमन्त्री ‘प्रचण्ड’ ब्रिक्स सदस्य देशहरूको शिखर सम्मेलन तथा बिमस्टेक देशको आउटरिच सम्मेलनमा भाग लिन शनिबार भारत आएका हुन् ।
प्रधानमन्त्रीसँगै परराष्ट्रमन्त्री प्रकाशरण महत, परराष्ट्र सचिव शङ्करदास वैरागी, प्रधानमन्त्री तथा मन्त्रिपरिषद् कार्यालयका सचिव टङ्कमणि शर्मा, प्रधानमन्त्री पत्नी सीतासहित १८ सदस्यीय नेपाली प्रतिनिधिमण्ड भारत आइपुगेको छ ।
प्रधानमन्त्रीले गोवामा बिमस्टेक सदस्य राष्ट्रका सरकार प्रमुखको बैठक एवम् ब्रिक्स विमस्टेक सम्मेलनलाई सम्बोधन गर्ने कार्यक्रम रहेको छ ।
प्रतिक्रिया दिनुहोस !
