प्रधानमन्त्री प्रचण्डलाई स्वागत गर्न मोदीको नेपालीमा ट्वीट
काठमाडौँः शनिबार भारत पुगेका प्रधानमन्त्री पुष्पकमल दाहाल ‘प्रचण्ड’लाई स्वागत गर्दै भारतीय प्रधानमन्त्री नरेन्द्र मोदीले नेपाली भाषामा ट्वीट गरेका छन् ।
शनिबार दिउँसो मोदीले आफ्नो व्यक्तिगत अकाउन्टबाट प्रधानमन्त्री प्रचण्डलाई न्यानो स्वागद गर्दै नेपालीमा ट्वीट गरेका हुन् ।
मोदीले नेपालीमा गरेको ट्वीटमा भनिएको छ, ‘प्रधानमन्त्री पुष्पकमल दाहाल प्रचण्डलाई भारतमा न्यानो स्वागत गर्दछौँ । उनको भ्रमणले भारत–नेपाल सम्बन्ध अझ मजबुत बनाउने छ ।’
प्रधानमन्त्री ‘प्रचण्ड’ ब्रिक्स सदस्य देशहरूको शिखर सम्मेलन तथा बिमस्टेक देशको आउटरिच सम्मेलनमा भाग लिन शनिबार भारत गएका हुन् ।
शनिबार बिहान भारतको गोवामा हुने ‘ब्रिक्स सम्मेलन’मा सहभागी हुन प्रधानमन्त्री प्रचण्ड दिल्ली हुँदै गोवा पुगेका छन् । प्रधानमन्त्रीसँगै परराष्ट्रमन्त्री प्रकाशरण महत, परराष्ट्र सचिव शङ्करदास वैरागी, प्रधानमन्त्री तथा मन्त्रिपरिषद् कार्यालयका सचिव टङ्कमणि शर्मा, प्रधानमन्त्री पत्नी सीतासहित १८ सदस्यीय नेपाली प्रतिनिधिमण्ड गोवा पुगेको हो ।
प्रधानमन्त्रीले गोवामा बिमस्टेक सदस्य राष्ट्रका सरकार प्रमुखको बैठक एवम् ब्रिक्स विमस्टेक सम्मेलनलाई सम्बोधन गर्ने कार्यक्रम रहेको छ ।
भारतीय प्रधानमन्त्री मोदीले गोवा सम्मेलनमा भारत पुगेका प्रधानमन्त्रीलाई नेपाली भाषामा ट्वीट गरेर स्वागत गरेका हुन् ।
प्रधानमंत्री पुष्पकमल दाहाल प्रचण्डलाइ भारतमा न्यानो स्वागत गरदा । उनको भ्रमणले भारत-नेपाल सम्बन्ध अझ मज़बूत बनाऊनेछ । @BRICS2016
— Narendra Modi (@narendramodi) October 15, 2016
प्रतिक्रिया दिनुहोस !
