गाडी पल्टिदा १३ जना घाइते
सुर्खेतः दैलेखबाट सुर्खेततर्फ आउँदै गरेको बा ३ ख ४२७६ नम्बरको फोर्स गाडी पल्टिदा १३ यात्रु घाइते भएका छन् । घाइते सबैको वीरेन्द्रनगरको मध्यपश्चिम क्षेत्रीय अस्पतालमा उपचार भइरहेको छ ।
सुर्खेतको गढी गाविसको लादेमा आइतबार दिउँसो ब्रेक फेल हुँदा गाडी दुर्घटना भएको हो । घाइतेको अवस्था खतरामुक्त रहेको जिल्ला प्रहरी कार्यालयले जनाएको छ ।
गुडिरहेको गाडीको एक्काशी ब्रेक फेल हुँदा मोडमा दुर्घटना भएको जिल्ला ट्राफिक प्रहरी कार्यालय सुर्खेतका प्रमुख हर्कबहादुर रावलले जानकारी दिए ।
प्रतिक्रिया दिनुहोस !
