झापाः झापामा बसले मोटरसाइकललाई ठक्कर दिँदा दुईजनाको घटनास्थलमै मृत्यु भएको छ।
पूर्व पश्चिम राजमार्गअन्तर्गत झापाको कनकाई नगरपालिका–२ स्थित जुके कल्भर्टमा सोमबार बिहान को १ ख ३५९६ नम्बरको बसले विपरीत दिशाबाट आउँदै गरेको मे५प ३८५३ नम्बरको मोटरसाइकललाई ठक्कर दिएको थियो।
ठक्करबाट कनकाई नगरपालिका–३ का ५७ वर्षीय तीलविक्रम थेवे र सोही ठाउँका ६० वर्षीय अग्नि भेटवालको घटनास्थलमै मृत्यु भएको प्रहरी निरीक्षक ढुण्डीराज गिरीले जानकारी दिए। मृतक दुबै मोटरसाइकलमा सवार थिए।
प्रतिक्रिया दिनुहोस !
