पाकिस्तान आतंकवादको जननी होइन, हाम्रो घनिष्ट मित्र होः चीन
एजेन्सीः भारतीय प्रधानमन्त्री नरेन्द्र मोदीले पाकिस्तान ‘आतंकवादको जननी’ भएको आरोप लगाए लगत्तै चीनले पाकिस्तानको बचाऊ गरेको छ ।
मोदीले पाकिस्तानलाई आतंकवादको जननी भएको आरोप लगाए लगत्तै चिनियाँ विदेश मन्त्रालयका प्रवक्ता हुआ चुनिंगले पाकिस्तान आतंकवादको जननी नभएर चीनको घनिष्ट भित्र भएको प्रतिक्रिया दिएकी हुन् ।
चीनजस्तै पाकिस्तानले समेत आतंकवादको विरोध गर्ने बताउदै उनले भनेकी छिन्, ‘पाकिस्तान चीनको घनिष्ट भित्र हो ।’
चिनियाँ परराष्ट्र मन्त्रालयकी प्रवक्ताले पाकिस्तानलाई धर्म र आतंकवादसँग जोड्नु नहुने समेत बताएकी छिन् । ‘हामी लामो समयदेखि आतंकवादको विरोध गरिराखेका छौँ । कुनै पनि जाति वा धर्मसँग आतंकवादलाई जोड्नेको हामी सधैँ विरोध गर्छौँ ।’
प्रवक्ता हुआले पाकिस्तानले विश्व समुदायका लागि गरेको बलिदानको स्वीकार गर्न समेत सबैलाई आग्रह गरेकी छिन् ।
प्रतिक्रिया दिनुहोस !
