काठमाडौंः धनकुटको बेलहारामा विमानस्थल निमार्णका लागि पूर्वमन्त्री र सांसदले पहल सुरु गरेका छन् । बिहीबार धनकुटाबासीले संस्कृति, पर्यटन तथा नागरिक उड्यानमन्त्री जीवनबहादुर शाहीलाई भेटी विमानस्थल निर्माणको पहल गर्न आग्रह गरेका हुन् ।
बेलहरा डाँडामा विमानस्थल निर्माण गर्नको लागि पहिले नै सर्भे भइसकेको जानकारी गराउँदै तत्काल मन्त्रालयबाट बजेट छुट्याउन जिल्लाबासीले मन्त्रीलाई आग्रह गरे । उनीहरुले सरकारी बजेट अपुग भए श्रमदान गर्न समेत तयार गरेको बताएका छन् ।
मन्त्री शाहीले विमानस्थलका लागि बजेट छुट्याउन पहल गर्ने आश्वासन दिए । शाहीले भने, ‘धनकुटामा विमानस्थल निर्माण कार्यका लागि म सक्दो प्रयास गर्नेछु ।’
मन्त्रीसँगको भेटमा पुर्ववाणिज्य तथा आपूर्तिमन्त्री सुनीलबहादुर थापा, राज्यमन्त्री धनमाया विक, सांसद मनोहर नारायण श्रेष्ठ, उदय नेपाली, पूर्वसभासद् हेमराज भण्डारी र नेता डम्बर सुवेदीलगायत उपस्थित थिए ।
प्रतिक्रिया दिनुहोस !
