विनीता बरालको उमंग
काठमाडौंः नेपाली चलचित्र ‘उमंग' कात्तिक २१ गतेबाट देशभर प्रदर्शन हुने भएको छ । सगरमाथा फिल्मस्को प्रस्तुतिमा कुमार बीसीले निर्माण गरेको चलचित्र उमंग केही दिनअघि अस्ट्रेलियाको सिडनीमा प्रदर्शन भइसकेको छ ।
उमंगलाई पृथक् नेपाली चलचित्र बनाउने कोसिस गरिएको दाबी निर्माण पक्षको छ । चलचित्रले नामजस्तै दर्शकमा उमंग थपिदिने निर्माता बीसीले बताए । दुई दशकदेखि चलचित्र नृत्य निर्देशनमा गर्दै आएका शिव शर्माले चलचित्र क्षेत्रमा बटुलेको अनुभवका आधारमा विदेश पलायन भएको युवा वर्गको कथालाई समेटरे उमंग बनाएको बताए ।
कुमार जीसीको लगानीमा तयार भएको उमंगमा नायिका विनीता बरालको अभिनय छ । उनी चलचित्रका बोल्ड रूपमा प्रस्तुत भएकी छन् । विनीताले चलचित्रप्रति आशावादी भएको बताइन् । चपली हाइटबाट उदाएकी विनीता त्यसयता चर्चामा छैनन् । यो चलचित्रले उनलाई कुन रूपमा स्थापित गर्छ त्यो भने समयले बताउनेछ ।
चलचित्रले मनमा उमंग बोकेर परदेसिन बाध्य भएकापरदेशीको कथा बाकेको छ । चलचित्रमा कुमार बीसीसँगै सीपी पौडेल, रामबाबु रेग्मी, शिला श्रेष्ठ, रूपेश सुवेदी, राम थापा, उमेशकुमार केसीलगायतको अभिनय छ ।
प्रतिक्रिया दिनुहोस !
