लोकमानका कान पड्काउँदा प्रचण्डलाई किन ज्वरो आयो ?
काठमाडौँ: अख्तियार दुरुपयोग अनुसन्धान आयोगका प्रमुख लोकमानसिंह कार्कीविरुद्ध व्यवस्थापिका संसदमा महाअभियोगको दर्ता भएपछि पक्ष र विपक्षमा बहस चलिराखेको छ । लोकमानलाई महाअभियोग लगाउदा प्रधानमन्त्री पुष्पकमल दाहाल ‘प्रचण्ड’ असन्तुष्ट देखिपछि उनको आलोचना धेरै भइराखेको छ ।
लोकमान र प्रधानमन्त्री प्रचण्डका विषयमा सबैभन्दा धेरै बहस सामाजिक सञ्जालमा छ । यो बहसमा लेखक खगेन्द्र संग्रौला समेत सहभागी भएका छन् । संग्रौला ट्वीट गर्छन्, ‘लोकमानका कान पड्काउँदा पुष्पकमललाई किन ज्वरो आएको ?’
संग्रौलाले व्यङ्ग्यात्मक शैलीमा सरकारको कार्यकारी पुष्पकमल दाहाल अर्थात् पीके हुन् कि लोकमान कार्की अर्थात् लोके भनेर प्रश्न गरेका छन् । उनले लोकमान काण्डमा जसले खुट्टा कमाउछ ऊ सकिने समेत दाबी गरेका छन् ।
संग्रौलाले भनेका छन्, ‘लोकमानका कान पड्काउँदा पुष्पकमललाई किन ज्वरो आएको ? सरकारका कार्यकारी पीके हुन् कि लोके ? यो माम्लोमा जो खुट्टा कमाउँछ, त्यसका दिन सकिए ।’
प्रतिक्रिया दिनुहोस !
