काठमाडौं: रुपन्देही जिल्लाको नहरपुरमा नेपाल टेलिकमको नयाँ एक्सचेन्ज काउन्टर सञ्चालनमा आएको छ । बुधबार आयोजित एक कार्यक्रमकाबीच माननिय सूचना तथा सञ्चारमन्त्री सुरेन्द्र कुमार कार्कीले सो एक्सचेन्ज काउन्टरको उद्घाटन गरेका हुन् ।
मन्त्री कार्कीले नेपाल सरकारका मुख्यसचिव सोमलाल सुवेदीलाई टेलिफोन गरेर सो काउन्टरको उद्घाटन गरेका थिए । सो अवसरमा माननिय मन्त्री कार्कीले सूचना तथा सञ्चार प्रविधिलाई आफ्नो सीप तथा क्षमता अभिवृद्धिका लागि अधिकतम प्रयोग गर्न आग्रह गर्दै यसबाट नेपाली युवा श्रम बेच्न विदेश जानबाट रोकिने बताएका छन् ।
नेपाल टेलिकमका प्रवन्ध निर्देशक कामिनी राजभण्डारीले कम्पनीका सेवालाई गुणस्तरीय बनाउन विभिन्न कार्य गरिरहेको बताउँदै थ्रिजी सेवालाई प्रत्येक क्षेत्रमा पुर्याउने र फोर जी सेवा छिट्टै नै सञ्चालनमा ल्याउने तयारी गरिरहेको बताएकी छिन् ।
प्रतिक्रिया दिनुहोस !
