काठमाडौ: प्यासाफिक एसिया ट्राभल एसोशियसन (पाटा) नेपाल च्याप्टरले नेपाल पर्यटन बोर्डमा एकदिने नेतृत्वविकास तालिम प्रदान गरको छ । पाटाले लङ डिस्टेन्स एन्ड ग्लोबल लिडरसिप शीर्षकमा एक दिने कार्यशाला गोष्ठी सम्पन्न गरको हो ।
कार्यक्रममा होटल व्यावसायी, एयरलायन्स, ट्राभल एजेन्सी, टुर अपरेटर्स, मिडिया विद्यार्थीहरू र अन्य सरोकारवाला गरी करिब १४५ जनाले सहभागिता जनाएका छन् ।
पाटा नेपालले स्विजरल्यान्डका प्रतिष्ठित विज्ञ डानियल चुडीबाट एक दिने प्रशिक्षण तालिम दिएको हो । विज्ञ चुडी हस्पिटालिटी क्षेत्रको विविध विधामा आफ्नो एक दिने प्रशिक्षण तालिम दिएको हो । उनले सांस्कृतिक मुल्य, मान्यता र विविधताको विषयमा एक प्रखर वक्ता, सल्लाहकार र प्रचारकको रूपमा आफ्नो क्षमतालाई प्रस्तुत गरेका थिए ।
पाटा नेपालका अध्यक्ष सुमन पान्डेले पर्यटन व्यवसाय एउटा विश्वव्यापी उद्योग र विविध स्रोत, साधन र संस्कृतिको समि श्रण भएको बताए । पान्डेले नेपाली पर्यटन व्यवसायी तथा सरोकारवालाको क्षमता विकासमा पुनर्ताजकिकरणको लागि विभिन्न तालिम निरन्तर आवश्यक रहेको औल्याए ।
कार्यक्रममा पाटाका कार्यकारी प्रवन्धक सुरेश सिंह बुडालले नेपाली पर्यटन क्षेत्रमा मानव संशाधनको विकास र विस्तार गर्ने अभियानअन्तर्गत यो कार्यशाला आयोजना गरेको बताए ।
प्रतिक्रिया दिनुहोस !
