भारत–पाकिस्तान तनावः भारतीय सेनाको गोली लागेर दुई महिलासहित ६ जनाको मृत्यु
कात्तिक १३, २०७३ शनिबार १३:२७:०
इस्लामाबादः भारतीय सेनाको गोली लागेर दुई महिलासहित ६ जनाको मृत्यु भएको छ । भारत–पाकिस्तान तनाव चुलिदै गर्दा ६ जना पाकिस्तानीको मृत्यु भएको हो ।
भारतीय सेनाको काश्मिरी क्षेत्रको सिमानामा गरिएको कारबाहीमा दुई महिलासहित छ जना पाकिस्तानी नागरिकको मृत्यु भएको पाकिस्तानी विदेश मन्त्रालयले विज्ञप्ति निकालेर स्वीकार गरेको छ ।
मन्त्रालयले शुक्रबार जारी गरेको विज्ञप्तिमा भारतीय कारबाहीमा २२ जना पाकिस्तानी नागरिक गोली लागि घाइते भएका बताइएको छ ।
पाकिस्तानी पक्षले भारतीय डेपुटी हाई कमिस्नरलाई बोलाएर घटनाको कडा शब्दमा निन्दा गरेको मन्त्रालयले जनाएको छ ।
पाकिस्तानले सन् २००३ मा दुवै पक्षद्वारा गरिएको युद्धबिराम समझदा रीको पालना गर्न र लगातार भारतीय पक्षद्वारा उल्लङ्घन गरिराखेको घटनाको छानबिन गर्न पनि आग्रह गरेको छ । एजेन्सी
प्रतिक्रिया दिनुहोस !
