विषाक्त मदिराबाट एघारको मृत्यु
![विषाक्त मदिराबाट एघारको मृत्यु](https://annapurnapost.prixacdn.net/media/albums/death-body-5814963c8ec0a9.85726564_NvAMsr3J9p.jpg)
इस्लामाबादः पाकिस्तानको मध्ये प्रान्त पञ्जावको झेलुम जिल्लामा विषाक्त मदिरा सेवनबाट कम्तीमा ११ व्यक्तिको मृत्यु भएको छ ।
क्रिश्चियन समूदायको बलियो पकड रहेको यस स्थानमा शुक्रबार भएको एक पार्टीमा घटना भएको थियो ।
पाकिस्तानको राजधानी इस्लामाबादबाट करिब एक सय २६ किलोमिटर पूर्वमा अवस्थित यस जिल्लामा शुक्रबार राति एक पार्टीमा मदिरा सेवन गरेका तीन व्यक्ति सख्त विरामी भएका र उनीहरु अस्पतालमा उपचार भइरहेको भएतापनि स्थिति भने गम्भीर रहेको अस्पताल स्रोतले जानकारी दिएको छ ।
विषाक्त मदिरा सेवनबाट मृत्यु भएका ११ व्यक्तिको शवलाई उनीहरुका आफन्तलाई बुझाइएको र अन्य तीन जनाको अवस्था अझै चिन्ताजनक भएको झेलुृम प्रान्तका वरिष्ठ प्रहरी अधिकारी आसिफ नवाजले एएफपी समाचार समितिलाई बताएका छन् ।
नवाजका अनुसार क्रिश्चिन समूदायका नै युवकहरु यस घटनाको शिकार भएका छन् । एजेन्सी
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)