लोकमानविरुद्धको महाअभियोग प्रस्ताव सहमतिमै टुंगिन्छ: सभामुख घर्ती
कात्तिक १४, २०७३ आइतबार १६:१:०
काठमाडौंः सभामुख ओनसरी घर्तीमगरले संविधान संशोधन र अख्तियार प्रमुख लोकमानसिंह कार्कीविरुद्ध संसदमा पेश भएको महाअभियोग प्रस्ताव सहमतिमै टुंगिने विश्वास व्यक्त गरेकी छिन्।
सभामुख घर्तीले भनिन्,‘संविधान संशोधनको विषयमा अहिले दलहरुबीच छलफल भइरहेको छ, यो विषयमा सहमतिमै टुंगोमा पुग्नेमा म विश्वस्त छु।’ उनले लोकमानविरुद्ध संसदमा दर्ता भएको महाअभियोगको प्रस्तावपनि दलहरुको सहमतिमै टुंगिने विश्वास दिलाइन्।
आइतबार रिपोर्टर्स क्लब नेपालको नेतृत्वको गएको पत्रकारहरुको देउसी–भैलो कार्यक्रममा सभामुख घर्तीमगरले संविधान संशोधन र निर्वाचनको लागि आवश्यक पर्ने ऐन कानूनहरु द्रुत गतिमा निर्माण भैरहेकोले राजनीतिक सहमतिमै तीनवटै निकायको चुनावपनि समयमै हुने बताइन्।
उनले मुलुकलाई निकास दिनको लागि र संविधान कार्यान्वयन गर्दै आर्थिक समृद्धिको बाटोमा अघि बढ्न दलहरु मिल्नुको विकल्प नभएको बताइन्।
प्रतिक्रिया दिनुहोस !
