भारतीय राजदूत भन्छन्ः राष्ट्रपतिको भ्रमणले दुई देशको सम्बन्धमा नयाँ रङ ल्याउछ
कात्तिक १४, २०७३ आइतबार २०:२४:०
काठमाडौँः नेपालका लागि भारतीय राजदूत रणजित रायले आगामी बुधबारबाट हुने भारतीय राष्ट्र«पति प्रणव मुखर्जीको नेपाल भ्रमणले नेपाल–भारतबीचको द्विपक्षीय सम्बन्धमा नयाँ रङ ल्याउने बताएका छन् ।
आइतबार रिपोटर्स क्लब नेपालका सभापति ऋषि धमलाको नेतृत्वमा देउसीभैलो खेल्न पुगेको सञ्चारकर्मीको टोलीसँगको कुराकानीमा राजदूत रायले भने, ‘उहाँको नेपाल भ्रमणसँगै नेपाल र भारतबीचको द्विपक्षीय सम्बन्धमा नयाँ रङ भरिन्छ, यसका साथै दोस्ती प्रगाढ बन्छ ।
’भारतीय राष्ट्र«पति मुखर्जीको यो भ्रमणलाई दुवै पक्षले उत्तिकै महत्व दिएको समेत बताए ।
राजदूत रायले पछिल्लो समय नेपाल र भारत दुवैतर्फबाट उच्चस्तरीय द्विपक्षीय भ्रमण भइरहेको भन्दै १८ वर्षपछि हुन गइरहेको भारतीय राष्ट्र«पतिको नेपाल भ्रमणले द्विपक्षीय सामाजिक, सांस्कृतिक र आर्थिक सम्बन्धनलाई अझै मजबुत बनाउने विश्वास लिएको बताए । उनले भने, ‘पछिल्लो समय दुवै पक्षबाट प्रधानमन्त्रीस्तर र विदेशमन्त्रीस्तरबाट द्विपक्षीय भ्रमण भइरहेका छन्, यो अत्यन्तै सकारात्मक कुरा हो ।’ रासस
प्रतिक्रिया दिनुहोस !
