बसबाट खसेर एकजना सशस्त्र प्रहरीको मृत्यु
भीमदत्तनगर: बसबाट खसेर सशस्त्र प्रहरी जवानको घटनास्थलमै मृत्यु भएको छ ।
पूर्व–पश्चिम राजमार्गअन्तर्गत कञ्चनपुरको झलारी–कलुवापुर सडकखण्डमा सोमबार साँझ ना ६ ख ४६७५ नम्बरको बसबाट खसेर सशस्त्र प्रहरी जवान शङ्करसिंह धामीको मृत्यु भएको प्रहरीले जनाएको छ। धामी सशस्त्र प्रहरी बल सुदूरपश्चिम क्षेत्रीय वैद्यनाथ बाहिनी अत्तरियामा कार्यरत थिए।
बसको ढोकामा उभिएका धामीको चस्मा बाटोमा खसेपछि गुड्दै गरेको बसबाट हाम फालेर चस्मा लिन जाने क्रममा धामीको घटनास्थलमै मृत्यु भएको इलाका प्रहरी कार्यालय झलारीले जनाएको छ।
प्रतिक्रिया दिनुहोस !
