काठमाडौँः भारतीय राष्ट्रपति प्रणव मुखर्जीको स्वागत राष्ट्रपति विद्यादेवी भण्डारी अन्तर्राष्ट्रिय विमानस्थल गरेकी छिन् ।
विशेष विमानमार्फत काठमाडौं आइपुगेका मुखर्जीलार्य राष्ट्रपति भण्डारीले त्रिभुवन अन्तराष्ट्रिय विमानस्थलको अतिविशिष्ट कक्षमा स्वागत गरेकी हुन् ।
भारतीय राष्ट्रपतिप्र मुखर्जी केही बेरअघि भारतीय वायुसेनाको विशेष विमानमार्फत नेपाल आइपुगेका हुन् ।
उनको स्वागतका लागि राष्ट्रपति भण्डारी, उपराष्ट्रपति नन्दबहादुर पुन, प्रधानमन्त्री पुष्पकमल दाहाल ‘प्रचण्ड’, परराष्ट्रमन्त्री डा. प्रकाशशरण महत, मन्त्री, प्रधानसेनापति रबीन्द्र क्षेत्री, कुटनीतिक नियोगका अधिकारीलगायत अन्तराष्ट्रिय विमानस्थलमा पुगेका थिए ।
राष्ट्रपति, उपराष्ट्रपति, प्रधानमन्त्रीलगायतले स्वागत गरेपछि उनको सम्मानमा नेपाली सेनाको टुकडीले विशेष सम्मान अर्पण गरेको छ । १८ वर्षपछि गणतन्त्र भारतका राष्ट्रपतिको नेपाल भ्रमण भएको हो।
भारतीय राष्ट्रपतिले केहीबेरमा राष्ट्रपतिसँग शीतलनिवासमा भेटवार्ता गर्दै छन् । भारतीय राष्ट्रपति नेपाल आइपुग्नु अघि ४५ मिनेटसम्म विमानस्थल बन्द गराइएको थियो । त्रिभुवन अन्तराष्ट्रिय विमानस्थल १२ बजेदेखि १ बजेसम्म सम्पूर्ण उडान रद्ध गरिएको थियो ।
भर्खरै विमानस्थलबाट राष्ट्रपति मुखर्जी शितलनिवासतर्फ लागेका छन् ।
प्रतिक्रिया दिनुहोस !
