महाअभियोगले सरकारलाई कुनै असर गर्दैनः मन्त्री पौडेल

कुश्माः  शिक्षामन्त्री धनीराम पौडेलले अख्तियार प्रमुख लोकमान सिंह कार्की बिरुद्ध संसदमा दर्ता भएको प्रस्ताबले सरकारलाई कुनै असर नगर्ने बताए छ ।

उनले महाअभियोग प्रस्ताव सरकारको नभै संसदको विशेष अधिकार भएकोले सरकारले हस्तक्षेप गर्न नमिल्ने बताए । संबिधान संसोधन प्रस्ताव दर्ताको लागि अन्तिम तयारी गरेको बताए ।

प्रेस सेन्टर नेपाल जिल्ला शाखा पर्वतले बुधवार विहान कुश्माबजारमा आयोजना गरेको पत्रकार सम्मेलनमा मन्त्री पौडेलले महाअभियोग प्रस्ताव पारित गर्ने पक्षमा नेपाली काँग्रेसपनि देखिएको सर्वसम्मत रुपमा पारित हुने दावी गरे ।

उनले अहिले प्रतिपक्षि दल र माओवादी नेपाली काँग्रेसको निर्णय कुरेर बसेको अवस्था छ मन्त्री पौडेलले भन्नुभयो सकारात्मक हुने अपेक्षा गरेका छौ । मन्त्री पौडेलले संविधान संशोधन गरी मधेशवादी दललाई पनि सहमतिमा ल्याएर स्थानीय, प्रदेश र केन्द्रको निर्वाचन गर्नुपर्ने बताए ।

उनले केहि दिनमै संसिवधान संसोधन प्रस्ताव संसदमा दर्ता हुने पनि बताए । संबिधानको आलोचना गरिरहेका मधेशकेन्द्रित दलहरुको भावनालाई समेट्नेगरी संसदमा संसोधन प्रस्ताव दर्ता गर्ने तयारी भएको मन्त्री पौडेलले बताए ।

संबिधान संसोधन, निर्वाचन आयोगको तयारी र निर्वाचन सम्बन्धित कानुन निर्माण, स्थानीय तहको सिमाना निर्धारणसंगै चुनावमा भाग लिने सबै राजनितिक दलको प्रतिवद्धता सहितको वातावरण बनाउन सरकारले जोड दिएको मन्त्री पौडेलको भनाई थियो ।

अर्को प्रसंगमा मन्त्री पौडेलले हालै संसोधन भएको शिक्षा ऐन कार्यान्वयनका लागि नियमावली निर्माण कार्य अन्तिम चरणमा पुगेको र शिक्षा आयोग गठनको तयारी भएको तथा अस्थाई शिक्षक व्यवस्थानका लागि प्रक्रिया अघि बढीसकेको जानकारी दिए ।

जनताको गुणस्तरीय शिक्षामा पहुँच बढाउने, विद्यालयको पहुँचमा आएका विद्यार्थीलाई टिकाउने र दक्ष बनाउन यसै वर्षदेखि सात वर्षे विद्यालय क्षेत्र विकास योजना लागु गरेको मन्त्री पौडेलले बताए ।

उनका अनुसार योजनाले प्रधानअध्यापकको नयाँ तरिकाले व्यवस्थापन गर्नुका साथै विद्यालयको पहुँचमा रहेका बालबालीकाको शिक्षामा निरन्तरताका लागि दिवा खाजा कार्यक्रम र अभिभावकलाई अनुदानको व्यवस्था गरेको छ ।

सामुदायीक विद्यालयप्रती विश्वासको वातावरण बनाउन सामुदायीक विद्यालयमा आफ्ना छोराछोरी पढाउने शिक्षकलाई प्रोत्साहनका लागि पुरस्कृत गरिने मन्त्री पौडेलले जानकारी दिए ।