हात्तीको आक्रमणबाट एक वृद्धको मृत्यु
राजविराजः हात्तीको आक्रमणमा परी सप्तरीमा एक वृद्धको मृत्यु भएको छ।
कोशी टप्पु वन्यजन्तु आरक्षबाट आएका तीनवटा हात्तीको समूहले आक्रमण गर्दा बैरवा गाविस ८ का ५५ वर्षीय अल्लाउद्दिन खाँको मृत्यु भएको उनका भतिजा साबिर खाँले जानकारी दिए।
वन्यजन्तु चौयायाबाट धानबालीको सुरक्षा गर्न खाँसहित तीन जना खेतमा छाप्रो बनाएर बस्ने गरेका थिए। हात्तीको समूहले धानबाली नष्ट गर्न थालेपछि धपाउन गएका खाँलाई हात्तीले लखेटेर कुल्चेका थिए। अन्य दुई जनाले भने भागेर ज्यान जोगाएका थिए।
हात्तीको आक्रमण परेको खबरपछि भेला भएका गाउँलेहरु, आरक्षबाट आएको सेना, सशस्त्र प्रहरी बल दन्तकाली गण बरमझिया र इलाका प्रहरी कार्यालय कञ्चनरुपबाट आएका प्रहरीको टोलीले हात्तीको समूहलाई धपाएका थिए।
प्रतिक्रिया दिनुहोस !
