काठमाडौंः सरकारले राष्ट्रपति विद्यादेवी भण्डारीको भारत भ्रमण छिट्नै गर्ने निर्णय गरेको छ । भारतीय राष्ट्रपति प्रणव मुखर्जीको नेपाल भ्रमणले दुई देशबीचको सम्बन्धलाई प्रगाढ बनाएको निष्कर्ष निकाल्दै सरकारले यस्तो निर्णय गरेको हो ।
सरकारका प्रवक्ता समेत रहेका सूचना तथा सञ्चारमन्त्री सुरेन्द्र कार्कीले मन्त्रिरिषद् बैठकबारे जानकारी दिदै भने, ‘राष्ट्रपतिको भारत भ्रमणको तयारी गर्ने निर्णय भएको छ ।’
त्यस्तै मन्त्रिपरिषद् बैठकले निक्षेप तथा कर्जा सुरक्षण कोषको अध्यक्षमा अर्थ मन्त्रालय, राजस्व सचिव राजन खनाललाई नियुक्त गर्ने निर्णय गरेको छ ।
प्रवक्ता कार्कीका अनुसार मन्त्रिपरिषद् बैठकले ख्वपः विश्वविद्यालयसम्बन्धी विधेयकलाई थप छलफलका लागि विधेयक समितिमा पठाउने निर्णय समेत गरेको छ ।
कार्कीका अनुसार उत्पीडित तथा दलित उत्थान विकास समितिको कार्यकारी निर्देशकमा डा वुद्धिबहादुर नेपालीलाई मनोनयन गर्ने र विकास समितिहरुका अध्यक्ष नियुक्तिका लागि सम्बन्धित समितिमा पठाउने निर्णय गरेको छ ।
प्रतिक्रिया दिनुहोस !
