मुखर्जीको विरोधमा कालो झण्डा बाँधेर बेलुन उडाउने विप्लव कार्यकर्ता पक्राउ
कात्तिक १९, २०७३ शुक्रबार १९:१६:०
पोखराः भारतीय राष्ट्रपति प्रणव मुखर्जीको भ्रमणको विरोधमा कालो झन्डा राखेर बेलुन उडाएका विप्लव नेतृत्वको माओवादीका चार कार्यकर्तालाई कास्की प्रहरीले पक्राउ गरेको छ ।
मुखर्जी जनकपुरबाट पोखराका लागि जहाजमा उडेको सूचनाका आधारमा विप्लव माओवादीका कार्यकर्ताले पोखरा विमानस्थलदेखि केही दक्षिणको इलाकाबाट कालोझन्डासहित बेलुन उडाएका थिए ।
बेलुनमा कालो झन्डा बाँधेर उडाएको आरोपमा प्रहरीले नन्दलाल तिवारी, भीम चापागाईं, टीकाराम घिमिरे र बन्बहादुर हिताङ मगर पक्राउ गरेको थियो । प्रहरीले भारतीय राष्ट्रपति पोखरामा रहदासम्म नियन्त्रणमा लिएर उनीहरुलाई रिहा गरेको छ ।
मुखर्जी पोखराबाट उडेपछि विप्लव कार्यकर्तालाई छाडिएको कास्की प्रहरीका डिएसपी गजुसिद्धि बज्राचार्यले अन्नपूर्णलाई जानकारी दिए ।
मुखर्जी पोखरा विमानस्थलमा अवतरण हुनुभन्दा एक घन्टाअघि नै उनीहरुले कालो झन्डा उडाएका थिए । एक दर्जन जति बेलुन उडाएका उनीहरुलाई केहीबेरमै प्रहरीले पक्रेको थियो ।
प्रतिक्रिया दिनुहोस !
