बारामा कपास उद्योगमा आगलागी, २५ लाख बढिको क्षति
कलैयाः बाराको कलैया नगरपालिका–६ मा रहेको कपास उद्योगमा भीषण आगलागी भएको छ।
जय श्री माँ ह्याण्डी क्रयाफ्ट कपास उद्योगमा शनिवार विहान पौने २ बजेतिर विद्युतको तार सर्ट भएर आगलागी भएको हो। आगलागीबाट २५ लाख रुपैयाँ मुल्य बराबरको क्षति भएको प्रहरीले जनाएको छ।
आगलागीबाट उद्योगको कपास, मेसिन र घर जलेर नष्ट भएको छ। कलैया नगरपालिका र वीरगन्ज उपमहानगरपालिका कार्यालयको गरी दुईवटा बारुण यन्त्रको सहयोगमा नेपाली सेना, सशस्त्र प्रहरी र नेपाल प्रहरीको संयुक्त टोलीले साढे ६ घण्टापछि आगो नियन्त्रणमा लिएको जिल्ला प्रहरी कार्यालय बाराका प्रहरी नायब उपरीक्षक राजेन्द्रबाबु रेग्मीले जानकारी दिए।
प्रतिक्रिया दिनुहोस !
