बन्चरोले हानेर जेठाजुले गरे बुहारीको हत्या
भीमदत्तनगर: कञ्चनपुरको बेलौरी नगरपालिका–६ मा एक व्यक्तिले अाफ्नी भाइबुहारीको हत्या गरेका छन्। अाइतबार बिहान चार बजे ईश्वरी भट्टले भाइबुहारी ३५ वर्षीया तुलसी भट्टको बन्चरो प्रहार गरी हत्या गरेको प्रहरीले जनाएको छ।
भाइबुहारी तुलसीलाई गाईगोठमा बन्चरो प्रहार गरी हत्या गरे लगत्तै र्इश्वर फरार भएको इलाका प्रहरी कार्यालय बेलौरीले जनाएको छ। जेठाजुको बन्चरो प्रहारबाट महिलाको घटनास्थलमा नै मृत्यु भएको थियो।
मृतकका श्रीमान् धनी भट्ट रोजगारीको सिलसिलामा भारतमा छन्। जेठाजुले बुहारीको हत्या के कारणले गरे भन्नेबारे खुल्न सकेको छैन। फरार भट्टको प्रहरीले खोजी गरिरहेको छ।
प्रतिक्रिया दिनुहोस !
