चिनियाँ रााष्ट्रपतिको नेपाल भ्रमण चाँडैः परराष्ट्रमन्त्री महत

चिनियाँ रााष्ट्रपतिको नेपाल भ्रमण चाँडैः परराष्ट्रमन्त्री महत

काठमाडौँः परराष्ट्रमन्त्री डा प्रकाशशरण महतले चिनियाँ राष्ट्रपतिको नेपाल भ्रमण निकट भविष्यमा हुने बताएका छन् ।

मंगलबार पररााष्ट्र मन्त्रालयमा पत्रकारसँग कुरा गर्दै मन्त्री महतले भारत र चीनसँग सरकारको समान धारणा रहेको बताउँदै निकट भविष्यमा चिनियाँ राष्ट्रपति सी जिङपिङले नेपाल भ्रमण गनर्ने बताए ।

‘दुवै छिमेकी मुलुकसँगको सरकारको धारणा समान छ । निकट भविष्यमा चीनका राष्ट्रपतिले नेपाल भ्रमण गर्नु हुनेछ, त्यसका लागि आवश्यक तयारी भइराखेको छ,’ उनले भने ।

मन्त्री महतले नेपालका गतिविधिप्रति चीनको आपत्ति भन्ने समाचारका विषयमा मन्त्रालयले मंगलबार नेपालस्थित चिनियाँ राजदूतावासका पदाधिकारीसँग छलफल गर्दा उनीहरु सन्तुष्ट नै रहेको समेत जानकारी गराए ।

एक चीन नीतिप्रतिको नेपालको प्रतिबद्धतामा नेपाल र चीन सरकारको कुनै द्वीविधा नभएको समेत महतले स्पष्ट पारेका छन्।

उनले केही छापा माध्यममार्फत् सार्वजनिक भएको समाचार कपोलकल्पित, भ्रामक र कलुषित आशयबाट प्रेरित भएको आरोप लगाए ।

यसै सन्दर्भमा मन्त्री डा महतले परराष्ट्र सम्बन्ध जस्तो अतिसंवेदनशील विषयमा हल्का ढङ्गले समाचार नलेख्न सञ्चार गृह र सञ्चारकर्मीलाई आग्रह गरे । ‘परराष्ट्र विषयसँग जोडिएको समाचार नियोजित ढङ्गले आएको महसुस भएको छ,’ महतले भने ।

मन्त्री महतले भारत भ्रमणमा रहेका नेपाली कांग्रेसका सभापति एवम् पूर्वप्रधानमन्त्री शेरबहादुर देउवाको उच्चस्तरीय भेटवार्ता पनि मुलुकको हितमा नै रहेको स्पष्ट पारे ।

‘नेपालको कुनै पनि नेताले परराष्ट्र मन्त्रालयको प्रतिनिधि बिना विदेशी नेता वा प्रधानमन्त्रीलाई भेट्नै हुदैन भन्ने छैन्, प्रतिनिधि राख्दा राम्रो,’ उनले भने ।


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.