बगदादः मध्य इराकमा पर्ने सिते मुसलमानको पवित्र सरह कारबाला नजिकै बम विस्फोट गराउन लागेका ६ जना आत्मघाती आक्रमणकारी इराकी सुरक्षा बलद्वारा जारी कारबाहीमा मारिएका छन् । यस क्रममा ६ जना सर्वसाधारण पनि मारिए/को इराकी गृह मन्त्रालयका प्रवक्ताले जानकारी दिएका छन् ।
उक्त आक्रमण सोमबार बिहान आइन अल तामुर सहरमा भएको थियो । त्यस क्षेत्र कारबालबाट करिब ८० किलोमिटर पश्चिममा पर्दछ । सुरक्षा बल र आत्मघाती आक्रमणकारीबीच जारी झडप र विस्फोटमा परी ६ जना घाइते पनि भएका छन् । इमाम हुसेनको स्मरणस्वरूप मनाइने दिनको तयारी गरिहरेका सिते मुसलमान समुदायलाई लक्ष्यगरी उक्त आक्रमण भएको बताइएको छ ।
सन् ६८० मारिएका इमामलाई कारबालामा गाडेको बताइन्छ । कारबाला इराकको राजधानी बगदादबाट १ सय १० किलोमिटर दक्षिणमा पर्दछ ।सिते मुसलमानले गत अक्टोबर १२ को दिनमा धार्मिक नाम ‘असुरा दे'बाट परिचित दिनमा इमाम मारिएको स्मृति दिवस मनाइसकेका छन् ।
तर सो दिनको ४० दिनपछि अर्थात् नोभेम्बर २१ का दिनमा कारबालामा उनको स्मरण दिवस मनाइने गरिन्छ ।यसैको तयारीमा रहेका सिते मुसलमानलाई लक्षित उक्त आक्रमण भएको बताइएको छ । यस आक्रमणको हालसम्म कुन पनि समूहले जिम्मा लिएको छैन ।
इराकमा गत अक्टोबरमा भएको सशस्त्र द्वन्द्व, आतंककारी आक्रमण र हिंसामा परी १ हजार ७ सय ९२ सर्वसाधारणको मृत्यु भएको छ भने १ हजार ३ सय ५८ घाइते भएका इराकका लागि संयुक्त राष्ट्रसंघीय मिसनले जानकारी दिएको छ । रासस/सिन्ह्वा
प्रतिक्रिया दिनुहोस !
