एजेन्सीः अमेरिकी राष्ट्रपति बाराक ओबामालाई संसारका अधिकांश मानिसले चिन्छन् तर चिनियाँ ओबामालाई थोरैले मात्र चिन्छन्।
पछिल्ला दिनमा भने चिनियाँ ओबामाले चर्चा बटुल्न थालेका छन् ।
उनको वास्तविक नाम सियाओ जिगुवा हो । उनी २९ बर्षीय चिनियाँ नागरिक हुन् । तर धेरैले उनलाई चिनियाँ ओबामा भनेर चिन्छन् किनकी उनको अनुहार अमेरिकी राष्ट्रपति ओबामाको जस्तै छ।
ओबामाको जस्तै अनुहार भएकै कारण उनी सेलिब्रेटी नै बनेका छन् । साथीहरुले युट्युबमा राखिदिएको एउटा भिडियोकै कारण उनी संसारभर नक्कली ओबामाको रुपमा चर्चित भए ।
उनको चर्चा चुलिदै गएपछि चिनियाँ एक टेलिभिजन शोमा उनले ओबामाकै पहिचानमा भाग लिएका थिए । त्यसपछि उनको अभिनयको चर्चा संसारभर फैलिएको हो ।
पछिल्ला दिनमा उनी चलचित्रमा व्यस्त छन् । उनी चिनियाँ टेलिभिजन लाइभ शोको लागि सार्वाधिक रुचाइने व्यक्ति बनेका छन् । उनले ओबामा जस्तै बन्नका निम्ति प्लास्टिक सर्जरी गरेको समेत खुलासा भएको छ ।
प्रतिक्रिया दिनुहोस !
