हिरोका तीन नयाँ भर्सन नेपालमा
काठमाडौः हिरो मोटोकर्पले ‘अपग्रेडेड' भर्सनका दुईपांग्रे गाडि नेपाल भिœयाएको छ । कम्पनीले स्प्लेन्डर आइस्मार्ट–११०, न्यू एचिभर–१५० र नयाँ सुपर स्प्लेन्डर–१२५ नेपाल भिœयाएको हो । सोमबार काठमाडौंमा एक कार्यक्रम गरी तीनवटै मोडल सार्वजनिक गरिएको थियो ।
तीनवटै भेरियन्टको इञ्जिनमा आइडल, स्टप र स्टार्ट (आई थ्रीएस) नामक प्याटेन्ट प्रविधि जडान गरिएको छ । यसअघि नेपाल भित्रिएका तीनवटै मोडल लोकप्रिय भइसकेका छन् । कम्पनीले डिजाइन र प्रविधिमा अपग्रेड गरेर नयाँ भर्सन ल्याएको हो ।
स्प्लेण्डर आइस्मार्ट-११० मोडलको बाइकमा नयाँ चेसिस र फ्रेम प्रयोग गरिएको छ । उच्च प्रविधिबाट सुसज्जित यो बाइक इन्धन किफायती छ । यसमा नयाँ बिएस–४ मापदन्ड अनुसारको ११० सीसी टर्क अन डिमान्ड (टर्क इञ्जिन), फोर स्ट्रोक, एयरकुल्ड इन्जिन प्रयोग गरिएको छ । यो बाइक ७.४५ सेकेन्डमा शुन्यबाट ६० किमी प्रतिघन्टाको गतिमा कुदन सक्नेछ । यसको मूल्य १ लाख ६६ हजार रुपैयाँ रहेको छ । यसमा ८.५ लिटर क्षमताको इन्धन ट्यांकी रहेको छ ।
न्यू एचिभर १५० सीसीको बाइक हो । बीएस-४ मापदन्डको १५० सिसी टर्क अन डिमान्ड (टड) इन्जिनले बाइकलाई शक्ति दिनेछ । यसमा पनि आइ थ्रीएस प्रविधि जडान गरिएको छ । नयाँ पुस्तालाई लक्षित गरेर अचिभर उत्पादन गरेको कम्पनीको दाबी छ ।
पाँच सेकेन्डको अन्तरालमा बाइक शून्यबाट ६० किमी प्रतिघन्टाको दरले कुद्छ । यसमा नयाँ हेडलाइट, ठूलो भाइजर, मोटो फेन्डर लगायतका विशेषता छन् । नेपाली बजारमा अचिभरको मूल्य दुई लाख ४ हजार रुपैयाँ तोकिएको छ । यसमा १३ लिटरको इन्धन ट्यांकी छ ।
सुपर स्प्लेन्डर नेपालमा लोकप्रिय भइसकेको सुपर स्प्लेन्डरको नयाँ भर्सन हो । १२५ सीसीको यो बाइकमा पनी आइ थ्रीएस प्रविधि जडान गरिएको छ । यसको बडीमा विभिन्न आकृतिहरु कुदिएका छन् । यो बाइकले उत्कृष्ट माइलेज दिने बताइएको छ । सहरी यात्राका लागि उत्तम मानिने यस मोडलमा १३ लिटरको इन्धन ट्यांकी रहेको छ । नेपाली बजारमा सुपर स्प्लेन्डरको मूल्य १ लाख ७६ हजार रुपैयाँ तोकिएको छ ।
प्रतिक्रिया दिनुहोस !
