स्वामी रामदेव काठमाडौंमा, नेपाली ढाका टोपी लगाइदिएर गरियो स्वागत
काठमाडौंः भारतीय योग गुरु स्वामी रामदेव काठमाडौं आइपुगेका छन्। मंगलबार बिहान त्रिभुवन अन्तर्राष्ट्रिय विमानस्थलमा ओर्लिएका स्वामी रामदेवलाई नेपाली ढाका टोपी र पहेंलो खादा लगाइदिएर स्वागत गरिएको थियो।
स्वामी रामदेव वीरगन्जमा योग शिविर सञ्चालनका लागि नेपाल आएका हुन्। विमानस्थलमा ओर्लिनासाथ स्वामी रामदेवले ट्वीटरमा ट्वीट गर्दै आफू माता सीता र भगवान गौतम वुद्धको पवित्र भूमिमा योग शिविरका लागि आइपुगेको उल्लेख गरेका छन्।
Reached Nepal, the spiritual land of Mata Sita & Gautam Budha, for the yoga camp pic.twitter.com/qURqvS4B0C
— Swami Ramdev (@yogrishiramdev) November 22, 2016
स्वामी रामदेवको स्वागतका लागि एनआरएनका पूर्व अध्यक्ष उपेन्द्र महतो र पतन्जली योगपीठ नेपालका शालिग्राम सिंह विमास्थलमै पुगेका थिए।
उनीहरुले स्वामी रामदेवलाई स्वागत गर्दै पहिले नेपाली ढाका टोपी र त्यसपछि वुद्धमार्गीहरुको पवित्र खतक पहेंलो खादा लगाइदिएका थिए।
प्रतिक्रिया दिनुहोस !
