काठमाडौंः राष्ट्रिय प्रजातन्त्र पार्टीका अध्यक्ष कमल थापा र राष्ट्रिय अध्यक्ष पशुपति शम्शेर राणाले पदभार ग्रहण गरेका छन् ।
सोमबार पार्टी एकता घोषणा गरेका दुई पार्टीका नेताले मंगलबार पदभार ग्रहण गरेका हुन् । दुवै नेताले पार्टी कार्यालय चावहिलमा पदभार ग्रहण गरेका हुन् ।
राप्रपा नेपाल र राप्रपाको एकतापछि थापा राप्रपाको अध्यक्ष र संसदीय दलको नेता चयन भएका छन् भने राणा राष्ट्रिय अध्यक्ष बनेका छन् ।
पदभार ग्रहण समारोहमा पूर्वप्रधानमन्त्री लोकेन्द्रबहादुर चन्द, नेता डा प्रकाशचन्द्र लोहनीलगायत उपस्थित थिए । पदभार ग्रहणपछि कार्यक्रमलाई सम्बोधन गर्दै थापाले आगामी चुनावमा पार्टी मुलुकको अग्रणी राजनीतिक शक्ति बन्ने घोषणा गरेका छन् ।
प्रतिक्रिया दिनुहोस !
