काठमाडौः नेपालमा होन्डा मोटरसाइकल र स्कुटरको अधिकृत बिक्रेता स्याकार ट्रेडिङ प्रालिले आयोजना गरेको विपुल क्षेत्री कभर गीत प्रतियोगिता विजेता घोषित भएका छन् । भूषण अमात्य प्रतियोगिताको विजेता बनेका छन् ।
कम्पनीले विपुल क्षेत्रीसँगको साझेदारीमा ‘माया’ एल्बम गत जुनमा आफ्नो सोसल मिडिया च्यानलमा रिलिज गरेको थियो । आठवटा गीत रहेको एल्बमका गीत होन्डा कम्पनीले नेपाल फेसबुक पेजमा निःशुल्क डाउनलोड गर्ने सविधा उपलब्ध गराएको थियो ।
होन्डाले विपुल क्षेत्री कभर गीत प्रतियोगिता पनि सञ्चालनमा ल्याएको थियो । यसमा नेपालमा बस्ने नेपालीले विपुल क्षेत्रीको कुनै एउटा गीत गाएर कन्टेस्ट च्यानलमा अपलोड गरी प्रतियोगितामा भाग लिन सक्ने व्यवस्था गरिएको थियो ।
प्रतियोगिता अवधिभर एक ३७ जनाले सहभागिता जनाएको कम्पनीले जनाएको छ । कार्यक्रम अवधिभर अपलोड भएका हरेक कभर भिडियोको निरीक्षण विपुल क्षेत्री आफैंले गरेर विजेता छनोट गरेका हुन् । विजेता भूषण अमात्यले एक लाख रकम पाएको कम्पनीले जनाएको छ ।
प्रतिक्रिया दिनुहोस !
