एजेन्सीः भारतीय सेनाले पाकिस्तानी सेनासँग बदला लिने बताएको छ । भारत प्रशासित कश्मीरमा भारतीय तीन सैनिकको मृत्युपछि भारतीय सेनाले त्यसको बदला लिने बताएको हो ।
पाकिस्तानी सैनिकले भारतीय सेनाको हत्यापछि शवमाथि पनि क्रुर व्यवहार गरेको भन्दै त्यसको बदला लिने चेतावनी भारतीय सैनिकले दिएको हो ।
भारतीय सेनाका प्रवक्ता कर्नेल राजेश कालियाले हत्यापछि भारतीय एक सैनिकको शवमाथि क्रुर व्यवहार प्रदर्शन भएको बताएका छन्।
पछिल्ला दिनमा भारत र पाकिस्तानी सैनिकबीच सीमा क्षेत्रमा गोलावारी जारी छ । भारत र पाकिस्तान एक अर्कालाई आरोप लगाइरहेका छन् ।
पाकिस्तानले भारतीय पक्षबाट गोली चलेपछि प्रतिरक्षा गरेको बताउदै आएको छ भने भारतीय पक्षले सीमा रेखामा प्रवेश गरेपछि जवाफ दिने गरेको बताउदै आएको छ ।
केही महिना अघि उडीस्थित सैनिक क्याम्पमा चरपन्थी हमला भएपछि भारत र पाकिस्ताबीच तनाव बढेको हो । भारतले पछिल्ला दिनमा पाकिस्तानले गर्दै आएको क्रुर हत्याको कडा प्रतिवाद गर्ने चेतावनी दिएको हो ।
प्रतिक्रिया दिनुहोस !
