काठमाडौंः सर्लाही जिल्लाको ईश्वरपुर नगरपालिका २ मा भएको आगलागी नियन्त्रणमा आएको छ । आगलागी हुँदा १५ लाख भन्दा बढीको क्षति पुगेको छ ।
सशस्त्र प्रहरी बल, प्रहरी तथा स्थानीय बासिन्दाले आगो नियन्त्रणमा लिएका हुन् ।
मेघबहादुर भुजेलको काठको दुई तले घरमा विद्युतीय तार सर्ट भई आगलागी हुँदा अन्नपात लगायतका सामानहरु जलेको छ ।
जानकारी पाउनासाथ सशस्त्र प्रहरी बल सुरक्षा बेस सागरनाथबाट एपीएफ टोली खटिई गई आगलागी नियन्त्रणमा खटिएको सशस्त्र प्रहरी नायव उपरीक्षक अजय छतकुलीले जानकारी दिए ।
त्यस्तै यसैगरी कैलाली जिल्लाको अत्तरिया नगरपालिका १३ स्थित अत्तरिया चोकमा रहेको एक जुत्ताचप्पल पसलमा मंसिर ७ गते विद्युती तार सर्ट भई आगलागी हुँदा करीब १२ लाख रुपैयाँ बराबरको धनमाल क्षति भएको बताइएको छ ।
त्यस्तै कपिलवस्तु जिल्लाको शिवराज नगरपालिका ५ समितिचोक बस्ने दुर्गा गौतम र लिला लामिछानेको फुसले छाएको घरमा मंसिर ७ गते एक्कासी आगलागी हुँदा दुई वटा घरहरु जली पूर्ण रुपमा नष्ट भएको छ । आगलागीबाट अन्नपात, लत्ताकपडा तथा भाँडाकुँडा जली करीब ५ लाख रुपैयाँ बराबरको धनमाल क्षति भएको बताइएको छ ।
प्रतिक्रिया दिनुहोस !
