लमजुङमा ट्याक्टर दुर्घटना, एकको मृत्यु, ३ घाइते
लमजुङ: लमजुङको मध्यनेपाल–२, जिता स्थित गैरी गाउँमा ट्रयाक्टर दुर्घटना हुँदा एक जनाको मृत्यु भएको छ ।
बगुवाबाट गैरीगाउँतर्फ धान र पराल बोकेर जाँदै गरेको ग १ त २५३३ नम्बरको सो ट्रयाक्टर दुर्घटनामा पर्दा स्थानीय बर्ष ४५का बासुदेब घिमिरेको घटनास्थलमै मृत्यु भएको हो ।
घटना स्थलबाट १ सय मिटरको तल पल्टिएको थियो । ट्रयाक्टर पल्टंदा मध्यनेपाल–२ कै रामचन्द्र घिमिरे गम्भीर घाइते भएका छन् । उनलाई उपचारका लागि काठमाडौं लगिएको छ ।
त्यस्तै, ट्रयाक्टरका चालक शंकरराज सोती र सह–चालक सन्तोष लम्साल भने सामान्य घाईते भएको ट्राफिक सई कृष्णबहादुर क्षेत्रीले जानकारी दिए ।
साँघुरोबाटो र बढी लोड भएका कारण ट्रयाक्टर पल्टिएको हुन सक्ने प्रहरीले जनाएको छ ।
घटनाको विस्तृत विवरणका बुझ्न इलाका प्रहरी कार्यालय भोर्लेटारका प्रहरी निरीक्षक राधेश्याम सिहं सैंथवारको नेतृत्वमा एक टोली घटना स्थलमा पुगेको छ।
प्रतिक्रिया दिनुहोस !
