काठमाडौँः राष्ट्रिय जनमोर्चाका अध्यक्ष चित्रबहादुर केसी बिहीबार साँझ अस्पतालबाट घर फर्किएका छन् ।
बुधबार गौशालामा दुर्घटनामा परेर घाइते भएका केसी सिनामङ्गलस्थित केएमसी अस्पतालमा भर्ना भएका थिए ।
एक रात अस्पतालमै बसेर उपचार गराएका पूर्व उपप्रधानमन्त्री केसीको स्वास्थ्यमा प्रगति भएपछि चिकित्सकको सुझाव अनुसार साँझ घर फर्किएको उनका स्वकीय सचिव दुर्गा शर्माले जानकारी दिए ।
बुधबार दुर्घटनामा परेका केसीको ढाडमा चोट लागेको थियो । नशारोग विशेषज्ञ डा अमित थापाको समूहले उनको उपचार गरेको थियो ।
यसअघि बिहीबार पूर्वप्रधानमन्त्री लोकेन्द्रबहादुर चन्द र एमाले उपाध्यक्ष भीमबहादुर रावल अस्पताल पुगी नेता केसीको स्वास्थ्य अवस्थाका बारेमा जानकारी लिएका थिए ।
प्रतिक्रिया दिनुहोस !
