अहिले चलचित्र 'कालो पोथी'को पर्खाइमा छिन् नायिका बेनिशा हमाल । उनी अभिनीत यो चौथो चलचित्र हो । प्रसन्न पौडेल निर्देशित सांगीतिक चलचित्र 'स्वर'बाट ठूलो पर्दामा डेब्यु गरेकी उनले 'महसुस', 'मोक्ष'जस्ता चलचित्रमा अभिनय गरिसकेकी छन् ।
सन् २००९ मा 'सिन्धुलीको रसिलो जुनार' बोलको म्युजिक भिडियोबाट मोडलिङ आरम्भ गरेकी उनले अहिलेसम्म लगभग डेढ सय म्युजिक भिडियोमा मोडलिङ गरिसकेकी छन् । अहिले ग्ल्यामरस छवि बनाएका नायिका एवं मोडेलको क्रेज बढी देखिन्छ । त्यसका लागि उनी पनि खानपान, व्यायाम, ड्रेसअप, मेकअपमा ध्यान पुर्याउने गर्छिन् ।
'खाना खाएन भने अनुहारमा चार्मिङ हँदैन, व्यायाम गरेन भने मसल्स दह्रो र छरितो हुँदैन । त्यसैले म टन्न खाने र व्यायाम पनि गर्ने गर्छु', आफू फिट एन्ड फाइन रहनुको राज उनी खोल्छिन्, 'तर राम्री र ग्ल्यामरस भएरमात्रै हुँदैन, काममा मेहनत देखिनु जरुरी छ ।'
यसै वर्ष स्नातकोत्तर सकेकी बेनिशाको घरपरिवारमा बेलाबेला उनको विवाहको कुरा चल्छ । त्यसलाई उनी स्वाभाविक मान्छिन् । 'विवाह त भइहाल्छ नि, हतार किन गर्नुपयो र ? ', उनी भन्छिन्, 'अहिले आत्मनिर्भर त छु तर स्थापित हुन बाँकी छ । त्यसैले अझै दुईतीन वर्ष काममा फोकस हुने मेरो योजना छ ।'
चितवनमा जन्मेकी बेनिशालाई मन पराउने धेरै छन् । उनले पनि कसै न कसैलाई मन नपराएकी होइनन् । 'यतिका उमेरसम्म पनि कोही मन परेन भने त एबनर्मल नै हुन्छ । तर प्रतिबद्ध भएर विवाह नै गर्ने गरी कसैसँग मन जोडेको छैन ।'
रुवायो प्रेमपत्रले
कक्षा ९ मा पढ्दै गर्दा एकजनाले प्रेमपत्र पठाएछन् । त्यो चिठी स्कुलमा आएकाले क्लास टिचरले ल्याएर दिए । चिठी पढेपछि यो कुरा घरमा थाहा पाए भने मलाई त निकालिदिन्छन् भन्ने डरले दिनभर रोएरै बित्यो ।
पहिलो म्यासेजमै विवाह
एकपटक एकजना फ्यानले फेसबुकमा पहिलो म्यासेजमै बेनिशा, वान डे आई विल गेट म्यारी यु लेखे । हाई हेलो केही नभनी एकैचोटि त्यस्तो म्यासेज पठाउँदा हाँस पनि उठ्यो, रिस पनि । तर रिप्लाई गरिनँ ।
नाम जोडिँदा हाँस उड्छ
कहिलेकाहीँ मिल्ने साथी, चलचित्रका कोस्टारसँग नाम जोडेर गलत हल्ला चल्दा मलाई हाँस उठ्छ । घरपरिवारलाई सम्झाएर यो क्षेत्रमा आएको मान्छे हुँ म । त्यस्ता चर्चामा म सधैं परिवारको छविलाई जोडेर हेर्ने गर्छु ।
प्रतिक्रिया दिनुहोस !
