काठमाडौः टिभीएस मोटर कम्पनीका लागि नेपालको एक मात्र आधिकारिक बिक्रेता जगदम्बा मोटर्सले आफ्नो लोकप्रिय ‘अपाचे आरटीआर २०० ४भी' का खरिदकर्तालाई आकर्षक उपहार प्रदान गर्ने भएको छ ।
‘अनलेस द वेष्ट इन यु विथ टीभीएस ब्रान्डेड रेसिङ गिएर' नाम दिइएको यस योजनाअन्तर्गत ‘अपाचे आरटीआर २०० ४भी' को खरीदकर्ताले २० हजार बराबरको मूल्य पर्ने टिभीएस ब्रान्डेड रेसिङ गियर प्राप्त गर्नेछन् । शुक्रबारबाट सुरु भएर सात दिनसम्म लागू हुने यो योजना काठमाडौं उपत्यकाभित्रको बाइक खरिदमा मात्र लागू हुने कम्पनीले जनाएको छ ।
कम्पनीको ब्रान्ड भ्यालु बढाउन तथा यस उत्पादनलाई ‘प्रिमियम प्रडक्ट' का रूपमा स्थापित गराउने उद्देश्यले कम्पनीले यो योजना अघि सारेको हो । सिमित अवधिका लागि ल्याइएको यस अफरबाट बाइक रेसिङका पारखी लाभान्वित हुने कम्पनीले अपेक्षा लिएको छ ।
अपाचे आरटीआर सिरीजका बाइकहरु नेपाली बजारमा यसअघिदेखि नै अत्यन्तै रुचाइएको बाइक हो । यस सिरीजका बाइकहरु रेसिङ थिममा आधारित, स्टाइलिस लुक तथा भिन्न खालको अनुभुति दिने र विशेषगरि युवामाँझ प्रख्यात रहेको कम्पनीले जनाएको छ ।
प्रतिक्रिया दिनुहोस !
