काठमाडौं ः म्याक्स मनी मलेसिया तथा सिटी एक्सप्रेस मनी ट्रान्सफरबीच सम्झौता भएको छ । नोभेम्बर महिनादेखि आपसी रूपमा रकम आदान–प्रदानका लागि दुई कम्पनीबीच सम्झौता भएको हो । योसँगै म्याक्स मनी मलेसियाबाट पठाएको रकम सिटी एक्सप्रेसका कुनै पनि काउन्टरबाट प्राप्त गर्ने सकिने भएको छ ।
म्याक्स मनीका प्रमुख कार्यकारी अधिकृत अब्दुल हामिदले म्याक्स मनी नेपालमा आफ्नो सेवालाई सहज तथा छरितो बनाउने कसरत गरिरहेको बताए । उनले यसबारे मलेसियामा रहेका हजारौँ नेपालीले बिना झन्झट आफूलाई पायक पर्ने समयमा नै नेपालमा रकम पठाउन सक्ने जनाएका छन् ।
कार्यक्रममा सिटी एक्सप्रेसका प्रबन्ध निर्देशक चन्द्र टन्डनले मलेसियाको सबैभन्दा विस्तारित रेमिटेन्स सेवा प्रदायक म्याक्स मनीसँग सहकार्य गर्न पाउँदा उत्साहित भएको बताए । उनले मलेसियाबाट भित्रिने रकमका लागि आफ्ना पाँच हजारभन्दा बढी स्थानबाट सहज रूपले सेवा दिने बताएका छन् ।
प्रतिक्रिया दिनुहोस !
