काठमाडौः नेपालभरि रहेका सिप्रदीका २४ वटै सर्भिस सेन्टरमा एकैसाथ सञ्चालन भएको ग्लोबल सर्भिस क्याम्प बुधबार सम्पन्न भएको छ ।
मंसिर ६ देखि ८ गतेसम्म सञ्चालन भएको उक्त क्याम्पमा तीन हजार एक सय ६२ टाटा कमर्सियल भेइकलको निःशुल्क सर्भिस गरिएको थियो । साथै ब्याट्री, इलेक्ट्रिकल चेकअप, फ्युल इन्जेक्सन, पम्प चेकअप र म्याक लुब्रिकेन्ट्समा २० प्रतिशत छुट तथा टाटा जेन्युइन स्पेयर पार्टसमा १० प्रतिशत छुट प्राप्त गरेका थिए ।
त्यसै अवसरमा सात सय १५ जनाले निःशुल्क आखाँ जाँच, ११ सयले निःशुल्क स्वस्थ्य जाँच, पाँच ६२ जनाले सुरक्षित ड्राइभिङ सम्बन्धी तालिम, दुई सय ४५ जनालाई एचआइभी एड्स जनचेतना तालिम र ४० जना ग्राहक करिअर काउन्सिलिङ तालिममा सहभागी भएको कम्पनीले जनाएको छ ।
समापन समारोहमा टाटा मोटर्स ग्राहक सेवा इन्टरनेसनल विजनेस हेड गणेश सेठ्ठी तथा टाटा मोटर्स ग्रहाक सेवा क्षेत्रीय प्रवन्धक सार्क अन्सुमन सामन्त को पनि उपस्थिति रहेको थियो ।
त्यस अवसरमा टाटा मोटर्सले आयोजना गरेको अन्तर्राष्ट्रिय प्रतियोगिता ‘सार्क लेभल स्किल फेस्ट च्याम्पियनसीप २०१६' का विजेता इन्जिनियर सन्दिप गुरुङलाई ५० हजारको चेक, ट्रफी तथा प्रमाणपत्रले सम्मान गरेको थियो । त्यसैगरि नेपालकै सिप्रदी ट्रेडिङ प्रालिका प्राविधिक राजेशहरि श्रेष्ठलाई एक लाख २५ हजारको चेक, ट्रफी तथा प्रमाणपत्रले सम्मान गरिएको कम्पनीले जनाएको छ ।
प्रतिक्रिया दिनुहोस !
