उर्लाबारी : मोरङमा ट्याक्टरको ठक्करबाट एकजना पैदलयात्रीको ज्यान गएको छ।
विराटनगर–५ स्थित भित्रि सडकखण्डमा पश्चिमबाट पूर्वतर्फ जाँदै गरेको को १ त ४१७ नम्बरको ट्याक्टरको ठक्करबाट सुनसरी सीतापुर–३ का ३० वर्षीय फारुक मियाँको मृत्यु भएको प्रहरीले जनाएको छ।
गएराति पौने १० बजे ट्याक्टरको ठक्करबाट गम्भीर घाइते भएका मियाँको विराटनगरस्थित नोवेल अस्पतालमा उपचारका क्रममा मृत्यु भएको जिल्ला ट्राफिक प्रहरी कार्यालय मोरङका प्रहरी निरीक्षक धनप्रसाद सिवाकोटीले जानकारी दिए।
ठक्कर दिने ट्याक्टर र चालकको खोजी भइरहेको प्रहरीले जनाएको छ ।
प्रतिक्रिया दिनुहोस !
